همج رعاع أتباع كل بحيري ( مشهد حواري واحد )

البحيري في ندوة ( دينية ) في ضيافة صديقاته من رواد نوادي الليونز المعروفة بمواقفها من الإسلام

- هل تستمع إلى واحد زي إسلام البحيري الذي لا عرف عنه تقوى و لا شهد له بعلم بالدين ؟ هل تسمع منه لتأخذ منه دينك؟ . . للدرجة دي حضرتك بتستسفه عقلك ؟

- لااااا أنا باسمعه علشان أعرف كلامه صح ولا غلط ؟ مش يمكن كلامه صح ؟ و لا انت حاتصادر على عقلي ؟

- الحقيقة أمثال البحيري هما اللي بيصادروا على حقك في استخدام عقلك ؟

- إزاي بقى . . لا معلش كلامك مش منطقي .

- أقولك إزاي .

هو حضرتك تعرف علم شرعي ؟ يعني تعرف أصلا إن إسلام البحيري كذاب و بيحرف ؟ تعرف إذا كان بيحرف و لا لأ ؟ و لا بتسلم عقلك لأي حد ؟

- لا بس كلامه معقول ؟

- يعني إيه معقول ؟ يعني صح يعني ؟ .  . فيه أدله علمية على إنه صح ؟ و لا معقول يعني حضرتك فاهمه و نجح إنه يقنعك بيه ؟

- لا . . نجح إنه يقنعني بيه . . مش كله بصراحة . . لكن فيه حاجات . .

- شفت بقى ؟ ده عدم احترام لعقلك . . هو كل واحد ذكي أو نصاب يقدر يقنعك بفكره تصدقه ؟

- لا . . طبعا أنا ماقولتش كده. . 

- تعرف حضرتك إن الشيطان لما رفض يسجد لسيدنا آدم قال لربنا إيه قاله حجة تبدو لغير المتأمل شديدة المعقولية و الذكاء و المنطق , و يمكن هو نفسه كان شايفها معقوله مصدقها , قال له " خلقتني من نار و خلقته من طين ؟ ".

تعرف إن النظريات العلمية حتى في العلم التجريبي هي كلام معقول جدا جدا و مقنع و قايله علماء . .
لكن ماحدش من العلماء يسلملها عقله و لا يصدقها لغاية لما العلم بأدلته التجريبية بيثبت إن كانت صح و لا غلط . .

برضه الكلام في الدين مش بالفكرة المعقولة . . حضرتك محتاج أدلة تعرف بيها إذا كان الكلام ده من الدين فعلا و لا لأ ؟

- اللي هي إيه بقى ؟. .

- عندك علم تعرف بيه صحة كلامه شرعا ؟ عندك علم مصلطح حديث ؟
تعرف إيه عن نقل السنة و طرق تصحيحها و تضعيفها و شروط الصحيح و الضعيف؟
 تعرف إيه عن الأحاديث اللي بيفسرها هذا الجاهل المركب على مزاجه و بيخليك ترفض سنة نبيك من خلال رفضك للمفهوم اللي هو وصلهولك و اللي ماوش دعوة أصلا بالحديث ؟
 ما تعرفش . .

- يعني إيه ؟ عايزني أقفل دماغي و ما اسمعش إسلام البحيري لغاية لما اروح اتعلم ؟

- ده يتوقف على احترامك لعقلك . . وقبل كده على حرصك على دينك  وقلبك و عقيدتك اللي حاتقابل بيهم ربنا . .

- انت حاتكفرنا ياعم علشان بنحاول نعرف ديننا بعيد عن وصايتكم على الدين ؟

- شوف يا صديقي . . بلاش شغل الإرهاب الفكري دي و القوالب المحفوظة . .

خلاص اقفل الموضوع ده ما دام انت مايهمكش إنك تاخذ دينك من واحد أصدقاؤه هم سيدات أندية الليونز و لا يعرف عنه تقوى . . و لا يعرف عنه علم . .

قفل على الموضوع علشان أنا فعلا لسه تعبان من الأسبوع اللي فات , و ماعنديش حيل للمناهده

- انت بتهرج يابني . . لسه ما روحتش  للدكتور كل ده ؟ ما أنا قولتلك على الراجل بتاع مستوصف عبيد . . جامد جدا يابني . . دكتور كده فاهم هو بيعمل إيه . . تحس إنه مذاكر أوي . . 

- ياعم سيبك . . هو ما فيش غيره في الدنيا . . في واحد جارنا مثقف ليه قراءات عن الطب . . و ذكي جدا كتبلي على بعض الأدوية.

- جارك ؟؟؟؟ انت بتهرج ولا إيه ؟ هو صحتك دي لعبه . . جار إيه و مثقف إيه و نيلة إيه ؟
 دي صحتك يا بني . . ربنا حايسألك عنها يوم القيامة. . لازم تروح لدكتور متخصص . . دي شغلته. .  تقولي مثقف و بتاع ؟

  

- شكرا لنصيحتك . .

- عيب يا بني . . انتي حبيبي يا لا . . اي نعم انت متشدد شوية . . بس حبيبي يا مان.

- تسلم يا قمر . .
بس سؤال . .
يا ترى دينك و قلبك اللي حاتقابل بيه ربنا مهم عندك زي صحتي ؟

لو كان مهم عندك يبقى تتعالج من الجهل بيه عند متخصص معروف عنه التقوى و العلم . . مش راجل كل علمه مجموعة شبهات . . بيدعي إنه عامل دراسة في جامعة من جامعات بير السلم في بريطانيا . . اللي بتبيع الشهادات بحبة دولارات و توصلك الشهادة لبيتكم . . واخد شهادة في معالجة التراث . . شهادة مضروبة . . و كمان في مجال مالوش علاقة بالدين . .
اتسق مع نفسك . . ده حتى ماحصلش جارنا المثقف اللي مش عاجبك . .
- لا حلووة . . ملعوبة . . 

اسمحلي لا تكن من النوع الثالث الذي ذكره سيدنا علي بن أبي طالب . .
الناس ثلاثة . .
فعالم رباني *
أو متعلم على سبيل النجاة** . .
و همج رعاع أتباع كل ناعق لم يستضيئوا بنور العلم و لم يركنوا إلى ركن وثيق .
-----------------
* العالم الرباني :  ده اللي عنده علم بكتاب الله و سنة نبيه و يعرف صحيح السنة من ضعيفها على أسس علمية منهجية مش على أساس ذائقته و فهمه , بيعلمه للناس.

** المتعلم على سبيل النجاة : هو اللي بيروح يتعلم أسس الدين في ضوء نصوص الكتاب و السنة , من العالم الرباني , بقد ما يقيم به دينه و ينجو به من مضلات الفتن . .

*** الهمج الرعاع : هم كما عرفهم علي بن أبي طالب اتباع كل ناعق , يعني كل واحد يتكلم في الدين يتبعوه من ما يكون عناك دليل على أنه على علم و دين و تقوى أم مجرد شخص يتقعر في الكلام , فلا هم اقلدوا عالما عرف عنه التقوى و العلم و اشتهر به من المتخصصين فيه .
 و لا هو عنده أسس العلم التي يحكم بها على كلام فلان إن كان صحيحا علميا أم لا . .

ملاحظة :
 إسلام البحيري شخص مصنوع إعلاميا , لص جهل , يعني حتى جهله سارقه من ناس كاتباه من قرن من الزمان و أكثر و مردود عليه حتى قتل ردا و ظهر تفاهته .
 و أي طويلب علم متواضع ممكن يمسح بإسلام البحيري البلاط علميا , لكن طبعا مين اللي بيطلعوه يناظره , أناس يخرجون معه ليلعبوا دور المناظر الضعيف , و هم أصلا مشاركون له في القناعات . . لأنهم يرديون إسلاما . . بلا إسلام . . إسلاما بحيريا . .

حول #حلب #سوريا #نقطة_نظام

احترس . . واقرا كل كلمة للاخر

عجيب أمر الناس . .

اناس كاخواننا في سوريا يبتلون بالشدائد فيصبرون و يحتسبون ، ثم يخرجهم الله من الدنيا العابرة إلى نعيم مقيم خالدين فيه . . يحلفون معه انهم لم يروا شقاء او الما قط . .

هؤلاء لهم عقول لم يضحوا بحياة الخلد من أجل دنيا عابرة . .

و آخرين يجلسون امام شاشات الجوال يتسخطون على الله بل و ربما يكفر بعضهم و يلحدون ، ثم ربما ماتوا على ذلك فدخلوا جهنم خالدين فيها ، و كانهم لم يروا نعيما قط.

هؤلاء فكروا بمشاعرهم و انفعالاتهم فضحوا بالخلود من اجل الحياة الزائلة.

هؤلاء لم يقرأوا سورة الاخدود ، و لو قراوا و فهموا ، لما فعلوا ما يزدريه العقل.

هؤلاء لم يقراوا التاريخ و يعلموا ان سنوات في و عقود ليست في تاريخ الامم . .

هلك جنكيز خان الذي اباد الاف المسلمين يوم لم يكن هناك طائرة و لا قنابل ، وهو عند ربه لا حول له و لا قوة ، و بعد سنين هزم جيشه بشكل مفاجيء من المسلمين ، و بعدها دخل قومه الاسلام ، و بعدها خرج منهم رجل اقام خلافة إسلامية هو عثمان بن ارطغرل مؤسس الدولة العثمانية.

لا تكن ضيق النظرة . .

الدنيا ذات السنوات الفانية هي دار ابتلاء . . و الاخرة الابدية الباقية هي دار العدل التام و الجزاء . . فانظر الى الصورة الكامله.